Update News

嘆和菓子 x 滾水淥湯圓 鄭欣宜蔡瀚億中西合壁寫大字

2019-02-11
蔡瀚億 ( BabyJohn ) 同鄭欣宜 ( Joyce ) 這對老友在今個新春各有節目,不過新年流流,兩人都有應節寫大字。首先係鬼妹仔 Joyce 搞笑地講出「Dragon horse sperm god」,由蔡瀚億翻譯成中文,執筆寫出「龍馬精神」,而蔡瀚億就請 Joyce 寫「一本萬利」,好彩 Joyce 在寫揮春前已經練習寫中文字,雖然過程笑料百出,但 Joyce 仍然不斷學習,大字仲四四正正見得人。
 
全盒係農曆年招呼親朋戚友必備 item,瓜子同笑口棗係蔡瀚億以往全盒日常,但因為他會不知不覺自行將全盒食物掃光,所以近年就選用和菓子及沖抹茶供拜年親友享用;至於 Joyce 就表示自從開了曲奇餅店後年中無休,但她初回流香港過年時曾發生趣事,「聽講新年要食湯圓,代表團團圓圓,咁我就叫朋友去我屋企食湯圓,但朋友食湯圓話點解會冇味,原來我冇放片糖和薑片入去煮湯,我只係用滾水煮,救唔番,但都開心嘅。」