石詠莉哭笑難分 鄧健泓出絕招扮最瘦Minion

鄧健泓 (Patrick) 係人所共知嘅愛妻號，同石詠莉 (Sukie) 新婚後仲 sweet 過拍拖，日前 Patrick 夫婦一齊拍攝一個網上特輯，Patrick 要諗計令老婆有 big surpise，結果他使出一條本來打算在擺酒當晚用的絕招 ─ 就係扮 Sukie 最鍾意嘅 Minion (迷你兵團)，勢要嚇佢一跳！

 

其實扮小黃人呢招原定在婚禮上使用，但因為原裝 Minion 人偶已被運往美國，趕製又做不切，所以小黃人出現成空，今次 Patrick 一定要扮嘢成功，就瞞住 Sukie 偷偷搵人偶專業設計師訂造兩款 Minion 人偶，最後 Patrick 終於搞掂，借頭借路約老婆去餐廳送花撐枱腳，轉頭就蛇出街，請化妝師為他化上黃臉妝，戴住有五條頭髮的黃頭套及圓型大眼鏡，着埋 Minion 招牌吊帶褲，變身最瘦「Kelvin」( Minion 角色 ) 突襲 Sukie，而 Sukie 係呆咗幾秒先識反應，爆笑到黐埋牆；對於老公突然變成小黃人，Sukie 不停狂笑：「無論點我都係愛你！」Patrick 錫啖老婆後，又無厘頭問：「如果有日我得番幾條毛你仲愛唔愛我呀？」Sukie即答：「我會叫你剃咗去。」驚喜未完，此時此刻，「Kelvin」另一個 friend「Bob」踩場，Sukie開心到呢...！

 

開心場景嘅下一場又變成好 touching，Patrick 帶埋「Bob」用外星語唱 Sukie 新歌《再見一面》，然後他對 Sukie 說：「我想講嘅嘢係，你唔好因為人哋讚先識得開心，你應該相信自己，成日都好開心，因為你係有能力，我地做娛樂圈，大家淨係睇我哋外表，好得意呀好Q好冧呀好樣衰呀好低能呀好白癡，但冇咩人真係了解我哋嘅經歷同世界，但最清楚自己嘅人係自己，所以唔好諗太多，要相信自己。我相信有一日，你可以喺紅館開個人演唱會。」Sukie 曾經講過自己不夠自信，老公的一番勵志話，無疑是超大強心針，從來都係喊包嘅 Sukie，當然再一次被感動，喊到變豬頭寶寶。