最新消息

三個look拍廣告 BabyJohn 搞唔掂萌爆鬆獅狗

2018-03-12
蔡瀚億(BabyJohn)早前為珍寶冷氣機拍攝新一輯廣告,要與一隻萌爆鬆獅狗合作,互動之餘還要玩遊戲,但人狗始終「雞同鴨講」,BabyJohn 與狗狗在拍攝時難免出現「向左走向右走」情況,令他哭笑不得。
 
BabyJohn 以前拍電影都有與狗狗合作拍攝的經歷,但今次向更高難度挑戰,負責指揮狗狗,可惜鬆獅狗唔聽佢支笛,無論手指指去邊都沒有反應,大家唯有出盡法寶吸引狗狗注意,最後由狗主扮狗女叫聲才有反應,場面搞笑。
 
BabyJohn 表示:「我本身都鍾意狗,之前又同狗仔見面交流吓,所以冇咁陌生;但狗狗都好叻,唔會亂吠。其實今次拍攝都算順利,全靠狗主扮狗女叫聲,之前試過用好多物品、打鑼打鼓都唔得,食物都唔掂,最辛苦當然係狗主人。」
 
廣告中 BabyJohn 有三個造型,並與狗狗配合。狗仔要戴眼鏡、着波衫及戴沙灘帽,可愛造型令人心心眼!其中一幕 BabyJohn 要表演足球技巧,斯斯文文的他原來控球技術不俗,「我由細到大都有踢波,雖然我係做守龍門,但控球都難我唔到嘅。