「以為我唔artistic？膚淺！」 林雪講英文sell藝術

肥嘟嘟的林雪因為演技好又形象親民，不單止受導演歡迎接戲多，其實他仲好受廣告客戶寵愛，

在這一年所接的廣告都有8個，包括Microsoft 平板電腦、Carousell 二手買賣平台、屈臣氏蒸溜水，已傾好但未出的就有四個；而近日阿雪為太古地產拍攝的廣告已經出籠 ( goo.gl/Af3v7U )，今次廣告主題係介紹全新的太古坊 ArtisTree，這個佔地7, 000平方呎的多用途場地，是一個能讓不同藝術製作發光發亮的平台，所以整個廣告充滿型格及城市感。

這次廣告商邀請林雪拍廣告的原因，是覺得他夠貼地，藝術並非高不可攀，藝術可能在你的生活當中，也可能在你身邊，鰂魚涌由石礦場變成藝術礦場就正好是個例子，所以阿雪在片中說：「話香港冇藝術？有藝術你唔睇啫！」

為了配合咁有型的廣告，林雪唔講粗口講英文，廣告內他罕見地說英語：「人人都以為林雪唔artistic？膚淺！Magritte ( 比利時超現實主義藝術家 René Magritte ) 話齋，art is the means of evoking mystery (藝術的意思是喚起神秘)。」發音咁難讀都讀到，林雪都算叻仔，當然阿雪都有做功課，事前有跟老師學好英文。

阿雪表示：「今次拍廣告之前都要練吓英文，ok啦，我都識講少少英文。拍嘢咁耐以嚟，最深刻嗰次係喺新加坡拍《全職殺手》，要講一分鐘嘅英文對白，係現場收音，對白又好難讀，但我一定要做好，所以我晚晚都匿喺酒店房練英文，練足一個禮拜先開工拍。」