想帶囝囝過休閒生活 杏兒假日look上海睇騷

胡杏兒產後復工，除了上月拍攝hmvod網劇《向西聞記》單元《畜牲傳心師》外，亦將會入組新片《死亡通知單：暗黑者》；日前，杏兒應意大利品牌 WEEKEND MaxMara 之邀，前往上海出席品牌的最新春夏時裝騷及參觀當地旗艦店，雖然只去了短短兩日，但由於大會安排細心，加上活動主題以假日feel為主，她笑言就當這上海48小時是個短假期。

今次杏兒分別穿了兩套 WEEKEND MaxMara 的最新服飾出席上海活動，其中一套是休閒式的黑白連身裙，另一套則是充滿假旅感的印花裙，她表示自己喜歡過着休閒度假式的生活，亦好想帶住囝囝到各處看看，因此隨意而不失細節的品牌是她的首選，杏兒說：「我不嬲對呢個品牌都好鍾意，WEEKEND 呢條副線係平時都會着，特別係依家忙做嘢，少咗時間打扮，但呢個品牌嘅衫一着上身就可以好有型。」