最新消息

急call「些粉」搵狗 趙永洪陳嘉倩玩的士情緣

2018-04-30
趙永洪(Raymond)早前在劇集《降魔的》中憑「些粉」一角,演技廣受認同、人氣急升,其的士司機形象深入民心,因而吸引最近進軍香港的 Call 車 App「DiDi」邀請拍攝廣告,並與港男女神、前新聞主播陳嘉倩合作。
 
廣告中,Raymond 再做的士司機「些粉」上身,期間收到女神陳嘉倩用 App call 車,原來陳嘉倩走失心愛小狗,所以急 call 的士尋狗,充滿正義感的「些粉」知道女神慘況後,當然出盡全力、揸住的士四處尋狗。
 
結果,最期待的畫面出現了!幾經辛苦,趙永洪與陳嘉倩終於尋獲狗狗,大團圓結局。本來以為故事告一段落,豈料陳嘉倩之後再用 call 車 App,又call中「些粉」的士,極之有緣。
 
談到今次拍攝,趙永洪表示:「之前喺《降魔的》飾演的士司機,今次現實中又係做的士司機,梗係冇難度,簡直係駕輕就熟,的士司機呢個角色已經入晒血,一跳上的士就入型入格,連女神陳嘉倩都忍唔住要集我郵,仲出 post 讚我係全港最型嘅的士司機。」