最新消息

連踩3戲chur盡43小時 蔡瀚億8個鐘冇去廁所

2018-06-06
蔡瀚億(BabyJohn)日前與雨僑拍攝hmvod網劇《性敢中環》,兩人在劇中是經理人與KOL的關係,因為相處日久而曖曖昧昧,更與孫耀威爆出三角關係!
 
蔡瀚億去年主演電影《29+1》、《小男人周記3之吾家有喜》、《西謊極落:太爆‧太子‧太空艙》及《拆彈專家》,產量驚人;近期卻較少曝光,實情是他這半年間忙到爆廠,電影、劇集、廣告浪接浪,更要穿梭中港兩地工作。
 
單計拍得如火如荼的網劇《性敢中環》、電影《死亡通知單暗黑者:首部曲「雙雄會」》(暫名)以及《P風暴》,已令蔡瀚億分身不暇,試過連續43小時沒睡過,期間只去了3次廁所,最長足足忍了8小時!
 
蔡瀚億表示:「同期拍攝3套作品係有啲吃力,但亦代表大家對我嘅認同。四十幾個鐘冇瞓最辛苦唔係捱眼瞓或體力問題,而係冇時間去廁所!其實忙起上嚟組接組經常有,啱啱嗰次就上個組放遲咗,而架車又到咗,好急都冇辦法啦!惟有用意志力死忍,一到現場就即刻去解決,哈哈!」
 
此外,由於兩套電影都係男人味重,蔡瀚億笑言好在有得客串拍《性敢中環》,可以對住一班美女「調劑吓」。