最新消息

【《導火》宣傳片】 一晚hit rate 15萬 王宗堯:要同港人拖手

2016-02-24

港視神劇《導火新聞線》原班人馬炮製的電影版,昨日推出首條宣傳片 (http://on.fb.me/1PUgXWk ),重點帶出紙媒步入寒冬,要轉型做網媒爭分奪秒搶hit rate,題材貼地。電影公司昨於官方facebook上載這條宣傳片,至今點擊高達15萬,這以本土電影之宣傳片而言,瀏覽量相當不俗,亦證明網民對《導》片關注,紛紛留言對電影版非常期待,好想睇扮演「囧報」記者「輝爺」王宗堯在片中所講的對白:「打返場逆轉勝!」
《導》片編劇兼監製潘漫紅對宣傳片hit rate不錯感到鼓舞,她說:「大家都未忘記《導火》,我哋都好開心,台前幕後都好俾心機做,盡喺度盡善盡美精益求精緊,睇到大家好期待,希望我哋做出嚟嘅嘢大家都鍾意。」
王宗堯透露在電影中除了講傳媒轉型的競爭外,亦會提到法律漏動問題,「立法會如何通過法律?好多嘢會唔會通過同修改?呢啲嘢香港人都好關注,再加上而家好多條例影響新聞自由、言論自由,呢啲嘢我哋部戲都會講到,我哋都會繼續拍一啲同香港人繼續拖住手嘅電影。」王宗堯稱,當初拍港視《導》劇時,最想得到記者朋友的認同,「電視劇反應咁好,普羅大眾都支持嘅時候,我哋都希望慢慢將一啲想講嘅現象同訊息話俾香港人聽。」