左手廢武功 男友撐到底 Hazel為愛而戰爭金腰帶

viu TV真人騷《G-1格鬥會》將於明晚(14日)及後晚(15日)播出最後兩集，參賽者之一的唐紫睿（Hazel）上周惡戰鄧穎芝五個回合，最後以點數敗陣，所以Hazel會面臨最大挑戰，在復活賽對戰郭思琳與黎美言（Winkie）的勝方，博入決賽爭奪女子綜合格鬥拳王金腰帶。

踏入最後階段，其實每位女參賽者都各自因為訓練及比賽而周身傷，同時又因決勝關鍵，壓力非常巨大，瀕臨身心崩潰的Hazel卻剛巧遇上Mr.Right，任職室內設計師的Louis除了心靈慰藉外，又不時陪住Hazel爬山及跑街練習體能，令她放鬆不少。可是臨近比賽，Hazel和拳館師兄模擬真實賽事對打時，不慎拗傷左手肘關節，致左手無法發力，極度影響心情及狀態，幸得男友和教練及拳館師兄弟的支持和教導，使Hazel重燃鬥志。

Hazel說：「佢哋成日都安慰我，其實好感動，所以我唔可以放棄，有前無後，打死罷就，繼續練！咁辛苦行到呢一步，只要隻手未斷仲郁得都要撐住。尤其係我嘅教練，佢不時用各種方法又氹又呃咁等我有番鬥志，佢係對我有期望，我覺得自己好幸運，可以遇到個咁好嘅教練同埋團隊，每次比賽，我嘅感覺都唔係自己一個人打，係我哋一齊打，佢哋對我嘅教晦好brainstorm，又好錫、好愛護我，所以我係為愛而戰，全力以赴。」