女僕軍王cosplay 靚靚侍Chilam嘗阿拉伯浴

張智霖 (Chilam) 和袁詠儀 (靚靚) 在早前播出的浙江衛視真人騷《一路上有你》第二季最新一集中又有新挑戰，今次主題係老公在西班牙做一日皇帝，老婆就做一日女僕侍奉大王，夫妻一齊 cosplay 以軍王女僕look示人。

節目安排 Chilam 和靚靚去到當地一個著名酒莊，靚靚服侍老公飲酒，然後再矇眼餵老公吃東西；Chilam 曬太陽，靚靚就要為他擋陽光及按摩；而戲肉則是 Chilam 體驗阿拉伯浴，靚靚為他寬衣後，用蜜糖香油幫老公沖涼，但她整蠱做怪，最後只幫 Chilam 洗一條手臂。

Chilam 在節目內亦搞笑地同另外兩位明星老公沙溢及黃岳倫鬥慘，他除了爆家中的衣櫃都被太太的包包霸佔、他放衣服的空間少得可憐之外，又笑謂自己外出去玩，夜歸回家時一定不開燈，以免打擾靚靚瞓覺，但洗手間就在二人的睡房內，所以他每次回家「好像做賊一樣」，連沖涼都同樣不開燈，「進去直接地洗澡，黑的刷牙，都是摸黑的，我跟一個盲人是沒有分別。」有時候 Chilam 打完麻雀返屋企，即使贏了錢，結果都要上繳俾靚靚買包包，輸了更不用說，所以無論如何都是虧本。不過 Chilam 出名寵妻，賺蝕都無所謂啦。