200呎掛70燈泡熱辣辣 雨僑cosplay魔法mv登場

雨僑 (Ava)近日推出本年度第一首新歌《大奇蹟日》，今次她在新作中化身成為魔法師，勸導深陷情傷及各種人生困境的人們，要信自己、勇敢面對難題才會撐得過，從而成長及改變。

為了配合歌曲，網紅Ava在mv內的新造型脫胎換骨，除了特別漂染一頭金髮外，更由專業形象設計團隊為她打造cosplay魔法look，甚富奇幻feel，而整個mv製作費更達6位數字。

拍攝當日，Ava處身面積200呎的室內拍攝，現場用了70個電燈泡及不停放煙製造迷幻氣氛，Ava要死頂室內高溫及索足大半日煙霧，又要用手捧住開着的熱燈泡，hot嘅程度超乎想像，不過Ava仍堅持忍、忍、忍！她說：「今次會俾人一眼就認出係魔法師嘅造型，今日拍攝環境都幾焗，個燈膽都熱架；至於呢頭金髮，染髮前我好唔捨得，因為會好傷頭髮，其實可以帶假髮代替，但我係一個完美主義者，只要個mv效果靚就得啦。」