【《導火》中學研討會】 宗堯sir遭學生大包圍 張建聲返母校勉師弟妹

今個暑假唯一真正港產電影《導火新聞線》已於8月4日隆重上映，電影公司日前已發放首條製作特輯 (https://www.facebook.com/smartpostHK/videos/1769102530012670)，劇透片中飾演電視台燈光師的吳孟達，其女兒慘遭姦殺，卻因為司法漏動令兇徒逍遙法外，從而由「輝爺」王宗堯口中揭露一個爭議性話題：一罪兩審。

近期《導火》一眾演員忙於宣傳，日前王宗堯和張建聲 (Justin)就到觀塘區一間中學，出席《導》片特別放映會活動；而這間中學正正是Justin母校，相隔十多年首次重返母校的Justin當然很有feel，在校內四圍selfie，仲撞正當年曾教他的班主任。在放映會後的研討會上，Justin還寄語現場一高中生師弟妹：「第日出嚟做嘢會感受到出面嘅殘酷，要好好珍惜校園生活，我啱啱見到以前F.1時嘅老師，見番佢即刻有感覺，一個輕輕嘅拜拜唔知幾時會見番，要珍惜時間，諗吓自己興趣喺邊，將來條路應該點行。」

向來關心時事的Greg有如阿sir，會上引用生活例子及新聞如菲律賓人質事件、牛頭角大火等案件，從而令學生了解電影內容及傳媒生態，引導多角度思考，Greg說：「希望透過《導》片，令學生對新聞行業同埋社會現況有更多啟發。」最後，校長親手頒發紀念旗給Justin和Greg，自稱不是乖學生的Justin笑說：「阿媽見到呢枝旗一定感動到喊！」兩人離開學校時亦受到學生們包圍，有學生更聚集在校口等候Greg的車輛經過，結果Greg落車與學生再來第二輪合照，表現親民。