擔任Chilam頌父節目壓軸 杏兒讚70歲爹哋好學

由張智霖 (Chilam) 擔任主持、以表揚父愛為主題的Viu TV節目《我的HERO》，日前播出最後一集，並由胡杏兒出任壓軸嘉賓。杏兒在節目中大談現年70歲的父親，稱讚他是自己心目中的超級英雄：「爸爸喺我心目中由細到大嘅形象，係一個好好學嘅人，我細細個時，佢聽收音機淨係聽BBC radio，佢嘅英文係自學，成日拎住本厚字典自修。」

以前任職警察的胡爸爸，本身學歷不高，但他一直希望三個女兒能接受更好教育，所以含辛茹苦送她們去外國留學；而他也好學不倦，更考取到公開大學的翻譯學位。

每位爹哋為家庭的奉獻都是無私及偉大，昨晚《我》節目要表揚的父親，是香港展能藝術會青葉藝術家蕭凱恩的爸爸。蕭凱恩在三個月大時因眼癌而須割除眼球，蕭爸爸多年來對女兒照顧得無微不至，細心栽培，而凱恩在音樂和學業上亦獲獎無數，非常叻女。

杏兒之前在劇集《陪著你走》飾演視障人士，曾到訪視障人士中心及黑暗體驗館，因此對於凱恩特別有感受，她說：「眼係靈魂之窗，冇咗眼睛喺生活上係最困難，而社會上未必有好多資源去幫助視障人士融入社會，凱恩有咁嘅成績，我相信背後一定花咗好多心機同時間學習。」