遊西安住別墅學打golf 爆笑Jeana人郁波唔郁

何佩瑜 (Jeana) 早前去了西安出席當地電影活動，來自北方石家莊的她在當地參與活動時，說了一口令人驚艷的流利普通話，當然大受現場的業內人士歡迎，Jeana表示她在小時候已經隨家人來港居住，但父母一直以普通話和她溝通，所以其普通話能保持水準，她亦希望可以憑藉這個天賦本錢，在內地有更多發展空間。

其實西安是Jeana母親的家鄉，之前她曾到西安拍攝國內電影《墓穴迷城》，留下非常獨特兼深刻的印象，她笑說：「因為套戲要去一啲高山嘅山癃拍，我記得每日收工返到酒店沖涼，個鼻一噴，全部都係黑色嘅塵，可想而知每日吸幾多灰塵落肺；拍嘅時候係冬天，已經好凍，入到山癃真係凍到十個暖水袋都唔得，最慘係有空檔都唔會行返出嚟，因為山癃太深，行好耐先出得去，唯有喺個癃度抱住個暖水袋。」

不過今次西安之行卻令Jeana完全改觀，接待單位安排她入住近郊的豪華度假村別墅，間房大到打翻斗都得，而且環境山清水秀，四處花香，她趁住空檔更走到村內湖邊學打哥爾夫球，其打波姿勢還可以，但天份呢...話說Jeana波棍一揮後，個波係未郁過，連她自己都頂唔順踎低爆笑，事後她說，「呢個trip係工作，冇諗過會有幾開心，但今日落完雨有啲涼風，出面個湖又清靜又冇咩人，又有個專業嘅靚仔哥哥好熱心教你打波，只不過我打唔中個波，真係笑死我。」