衝出亞洲膺中美電影節視后 胡杏兒：對我係好大嘅鼓勵

胡杏兒首度衝出亞洲，在洛杉磯時間11月2日憑主演之內地電視劇《繼父是偶像》，於第十二屆中美電影節金天使頒獎典禮上勇奪視后寶座！
當日杏兒身穿隆重而華麗的性感透視晚裝出席頒獎禮，當現場司儀宣佈她奪得優秀中國電視劇最佳女主角時，杏兒自然非常高興，事後更吻賀獎盃，她表示：「真係好開心、好榮幸，我係第一次喺亞洲以外嘅地方參加頒獎典禮而且有獎項，對我嚟講係很大嘅鼓勵，所以好多謝中美電影節嘅所有評委，仲有《我的繼父是偶像》套劇嘅台前幕後，特別係劇入面戲好、人又好嘅好前輩好拍檔林永健老師，我好多謝佢一路對我嘅鼓勵，自己都會繼續努力。」
杏兒在《繼》劇內飾演一名律師，是個高傲女強人；出任男主角的內地演員林永健則扮演一個育有兩名繼兒女的父親角色，杏兒與林永健在戲中本是冤家對頭，後來發生微妙感情，杏兒細緻的演繹，從今次奪獎已可作出肯定。