Chilam做阿sir教扮嘢 靚靚孖帥哥回歸校園

湖南衛視《一年級‧畢業季》昨晚播出第三集，擔任科班生組主講老師的張智霖 (Chilam) 今集和擔任助教的太太袁詠儀 (靚靚) 拍住上，與內地演員陳建斌各自帶領學員展開辯論比賽，而入選比賽的學員需模仿指定藝人進行辯論，其中一位指定被模仿對象就是張智霖。

賽前，以一身「Cool魔」造型亮相的Chilam，以「Learn while we play」的教學模式授課，希望學員「認真去玩，認真去學，不用太拘謹。」在輕鬆的環境下才能學習更多。Chilam 先親自示範扮王寶強和林志玲的說話腔調和動作，逗得全班大笑；期間有學員建議 Chilam 扮靚靚，他隨即七情上面以廣東話模仿老婆說：「唉呀！點搞架？」然後再用普通話說「不要說話！」靚靚就笑着回應：「我那有那麼兇？」

扮完老婆，Chilam 又被靚靚要求扮「張智霖」，靚靚問他：「最近忙什麼？」他說：「最近在忙在家帶孩子，我老婆不知所蹤，你說怎麼辦？」笑唔停的靚靚叫老公唱歌仔，Chilam 也即場開金口唱了幾句《歲月如歌》。接着一班學員經過一輪扮嘢大賽後，兩位男學員成毅和于濟瑋叮噹碼頭，要加時火併，結果 Chilam 安排二人坐上他駕駛的辣跑，在遊車河的時間內任問他十條問題加深了解。

隨後兩位男學員扮 Chilam 和靚靚影相，成毅選擇同靚靚着校服漫步，濃濃校園風好 pure；至於于濟瑋就揀跳脫 feel，跟靚靚戴上兔仔頭飾跳舞，而靚靚終極揀選成毅出賽。