BabyJohn做大佬 淋雨濕身抱起大隻女友

聖誕就到，各大品牌都急不及待推出聖誕禮物。早前，蔡瀚億（BabyJohn）一人分飾四角，為Pandora拍攝聖誕首飾廣告。

廣告以微電影手法拍攝，BabyJohn一人分飾四角，分別係：「激戰男」、「外賣仔」、「古惑仔」及「純情學生哥」。在「激戰篇」中，BabyJohn飾演的「激戰男」日夜狂操，又跑步又sit up又workout，目的只為討好鍾意公主抱的重量級女友；「茶餐廳」篇，外賣仔BabyJohn愛上一個每日都會叫茄蛋飯外賣的空姐，但又唔敢表白。一次他鼓起勇氣，將禮物QR Code卡放喺外賣，再寫上時間地點，邀請空姐去installation；「古惑仔篇」講述一班古惑仔幫大佬「John哥」追女文青，最終女文青被John哥打動，答應出席約會；而「校園篇」中，純情John同女同學互相暗戀，但到畢業，雙方都冇踏出第一步。多年後，純情John成為設計師，並將女同學當年寫給他情書上的圖案，設計成installation。

第一次一人分飾四角，BabyJohn話係一個好大的挑戰，四個角色中，BabyJohn最難忘係「激戰男」，「呢個角色係一朝早就拍，拍嘅時候我要做gym、掌上壓、打拳，之後就拍其他篇，拍晒其他篇後，又拍番『激戰男』場口，我要喺個裝飾品前抱起一個女仔，對我嚟講個surprise都幾大，因為拍咗成日走咗六、七個景，又做好多體能，拍嘅時候落大雨、又而且冇遮冇掩，全身濕晒，但拍出嚟嘅效果係好浪漫，所以我係好滿意。」