雨僑明燈不再 爆冷首嚐勝利滋味

雨僑（Ava）最近晚晚9點半在viu TV亮相，參與該台最新的競技遊戲電視節目《籌旗》，擔任藍組隊長，化身「藍雨僑」，帶領大隻仔仔比賽，同其他組鬥智鬥力。因Ava在首週比賽長輸，所以獲劇組封號「明燈女神」，但佢喺後期終於成功「破燈」，以爆冷姿態跑出，贏足全集；《籌旗》播埋今晚（15日）及聽晚，Ava揚言會落力揀啱人比賽，希望自己贏多幾鋪，大家睇得開開心心。

Ava自言由細到大都俾朋友叫做「燈神」，因為朋友見親佢玩遊戲都必定支持佢對家。點知Ava上星期突然爆冷贏足全集，首嚐勝利滋味的Ava表示相當興奮，她笑說：「上星期表現令朋友跌晒眼鏡，所以跟住我嚟玩遊戲喺好刺激嘅事。」

而呢兩晚喺《籌旗》最後階段，Ava表示會繼續努力，「我會好有體育精神，盡力完成個每個game，咁先對得住大家。」又表示會做足功課，同大隻仔仔多些溝通，發揮合作了兩星期的默契。