年尾盤點大豐收 張建聲連拍四片豬籠入水

曾增肥 60 磅拍攝《壹獄壹世界之高登闊少踎監日記》、有影壇橡筋人之稱的張建聲(Justin)，近年參與電影都令人驚喜，所演角色極具發揮機會，故大受製作商及導演青睞，片約不絶。今年Justin就忙足一年，一口氣拍了四部電影，包括《風不止》、《破案要在泡女後》、《鬼網之二重生》(暫名)及拍攝中的《反黑》，當中更須往內地及馬來西亞拍外景。
除此之外，Justin亦獲廣告商招手，早前飛去澳洲及泰國拍攝旅遊廣告，再加上已接的四部戲，今年可謂豬籠入水大豐收，對此Justin說：「今年可以拍咁多電影真係豐收年，係忙到推咗幾套電影，因為安排唔到時間。錢係搵多咗，但首先想置業同照顧屋企人先。」
早前Justin與譚耀文合演網絡電影《風不止》，在戲中扮演一個黑道人物，所以每日開工前都要花三小時印紋身，Justin說：「呢套戲每日都有六個工作人員招呼我，除咗化妝外，其他人都要幫手印紋身喺我手臂同頸嘅位置，日日都要搞幾個鐘先開到工，雖然辛苦，因為印紋身時唔可以郁，但出嚟個效果靚就得啦。」而他在澳洲拍廣告亦有收穫，就係艷遇，不過Justin笑謂只係被鬼妹要求影合照而已。