小男人雞年展雄風 超噴血娜姐床誘鄭丹瑞

今個農曆年開心出籠的真正港產賀歲片《小男人週記3之吾家有喜》，將於1月26日年廿九隆重獻映。小男人「梁寬」鄭丹瑞(旦哥)繼以往的「大婆」嘟嘟(鄭裕玲)、以及之之(關之琳)和李美鳳後，今次有人氣性感女神周秀娜扮女友，又有36F囡囡Larine(鄧月平)，表面上梁寬確係樂無邊。
《小3》其中一幕，講述娜姐和旦哥上演香艷的鴛鴦泡泡浴，仲有男女之間的sweet sweet，兩人除了蜻蜓點水kiss外，坐在床上的娜姐更滑下半邊浴袍，酥胸半露引死人。現身處歐洲旅行的娜姐，提起當日和旦哥拍同床共寑的戲份時，就笑說：「瞓喺床嗰場戲幾緊要，係交代梁寬同BoBo(娜姐角色)之間嘅關係唔同咗，工作人員都好緊張，要執到正、影到靚，旦哥都有講笑話，你哋理女主角得啦，唔使理我男主角架啦？」至於泡泡浴一幕，現實同鏡頭總是兩回事，「幾搞笑，唔係想像中咁舒服咁嘆，因為要keep住泡泡，水溫要高，一路拍一路出汗，每一次拍完一個take之後，就要上水抖一抖氣，但一上水嗰吓，係全身着住件泡泡衫，要撥番啲泡落浴缸，好似上水要『除衫』咁。」
兩年前，旦哥為娜姐和鄭伊健主演的《分手100次》擔任導演，片中有伊健和娜姐泡泡浴戲，今次他複製場口，一於向《分》片致敬兼向伊健回禮，旦哥謂：「上次拍個浴缸好細，所以今次特登整個大浴缸，好暖嘅水，結果我地坐咗入面兩個幾鐘，大家真係好似做咗一場蒸氣浴室，幾得意。其實大家都好professional，同埋好多人都喺度，艷情嘢一定欠奉，但不得不佩服娜姐嘅專業，亦都多謝佢對我嘅信任。」