最新消息
Larine向BJ獻處女吻 張繼聰同蝦頭廚房偷情：橄欖舒服嘅！
2017-01-25
鄭丹瑞(旦哥)自導自演之雞年真港產賀歲片《
小男人週記3之吾家有喜》鐵定大後日年廿九爆笑出籠，並於明晚率先舉行盛大首映禮。今次《小3》除了旦哥和索爆女友周秀娜及巨胸囡囡鄧月平 (Larine)拍住上，重振小男人30年雄風外，飾演賤佬的張繼聰片中亦有驚喜演出，特別係同蝦頭楊詩敏狂野調情，更加令人拍案叫絕。
電影公司今日在官方facebook (https://www.facebook.com/hmvDigitalChinaGroup/videos/1260445047382267/)
發佈《小3》啜核片段，片內講述Larine和BabyJohn (蔡瀚億)撻着，Larine更獻出銀幕初吻，但同時阿聰又帶蝦頭去餐廳廚房依揖，大講有味笑話，阿聰甚至玩埋旦哥在經典歌《留給最愛的說話》的讀白，他對蝦頭說：「你令我諗起一首歌，一個粗心大意嘅司機，同埋一條濕滑嘅通道。」蝦頭即刻陰陰笑：「我而家已經濕咗啦....隻手呀。呢度咁熱，都出晒手汗！」然後阿聰剝褸坐上無火爐頭，由蝦頭為他搽橄欖油，high到震嘅阿聰仲話：「橄欖舒服嘅？」
其實這場戲是《小3》煞科戲，阿聰直言拍時有壓力，因為導演對這幕戲有期待，「但拍得好開心、好好玩嘅，搽晒油，我都成日搽油架啦，濕濕碎。我同蝦頭係演藝學院師姐弟，但冇合作過，電影係第一次，蝦頭喺我心目中係好好嘅喜劇演員，大家試戲有忍唔住笑，但拍時係一個鏡頭落，所以冇乜特別ng，反而我哋仲試咗好多唔同選擇嘅鏡頭俾導演揀，有啲正經啲，有啲癲啲，最後導演揀咗呢個，我哋就去做，大家都好專業，但一cut機就狂笑。」蝦頭則笑說：「我哋戲入面係互相挑逗，同對方交流，喺廚房幫佢搽油，好快手捽佢body，排戲過程都忍唔住笑，又成手油，又加好多小玩意一齊玩，係特別開心同有火花，一拍即合。咁我梗係鍾邵子風多過張繼聰，但我都鍾意張繼聰老婆，我都係阿Kay (謝安琪)粉絲，佢兩公婆我都好鍾意，佢哋好sweet。」
電影公司今日在官方facebook (https://www.facebook.com/hmvDigitalChinaGroup/videos/1260445047382267/)
發佈《小3》啜核片段，片內講述Larine和BabyJohn (蔡瀚億)撻着，Larine更獻出銀幕初吻，但同時阿聰又帶蝦頭去餐廳廚房依揖，大講有味笑話，阿聰甚至玩埋旦哥在經典歌《留給最愛的說話》的讀白，他對蝦頭說：「你令我諗起一首歌，一個粗心大意嘅司機，同埋一條濕滑嘅通道。」蝦頭即刻陰陰笑：「我而家已經濕咗啦....隻手呀。呢度咁熱，都出晒手汗！」然後阿聰剝褸坐上無火爐頭，由蝦頭為他搽橄欖油，high到震嘅阿聰仲話：「橄欖舒服嘅？」
其實這場戲是《小3》煞科戲，阿聰直言拍時有壓力，因為導演對這幕戲有期待，「但拍得好開心、好好玩嘅，搽晒油，我都成日搽油架啦，濕濕碎。我同蝦頭係演藝學院師姐弟，但冇合作過，電影係第一次，蝦頭喺我心目中係好好嘅喜劇演員，大家試戲有忍唔住笑，但拍時係一個鏡頭落，所以冇乜特別ng，反而我哋仲試咗好多唔同選擇嘅鏡頭俾導演揀，有啲正經啲，有啲癲啲，最後導演揀咗呢個，我哋就去做，大家都好專業，但一cut機就狂笑。」蝦頭則笑說：「我哋戲入面係互相挑逗，同對方交流，喺廚房幫佢搽油，好快手捽佢body，排戲過程都忍唔住笑，又成手油，又加好多小玩意一齊玩，係特別開心同有火花，一拍即合。咁我梗係鍾邵子風多過張繼聰，但我都鍾意張繼聰老婆，我都係阿Kay (謝安琪)粉絲，佢兩公婆我都好鍾意，佢哋好sweet。」