最新消息
踩單車吹波波食砵仔糕 欣宜BJ回到初戀時
2017-04-03
由彭秀慧自編自導、周秀娜 (Chrissie) 和鄭欣宜 (Joyce)主演之女性話題電影《29+1》，鐵定下月11日在港、澳兩地隆重上畫。雖然電影還未上映，但已榮獲多個國際電影頒獎禮獎項 ( 詳見備註 )，而由上周五(31/3) 起連續三日在香港放映的優先場更全部爆滿，成績令人鼓舞。
《29+1》中，除了Chrissie脫胎換骨的演出外，Joyce和蔡瀚億 (BabyJohn) 演繹一段超過二十年的青梅竹馬友誼亦非常搶鏡，為了反映這一段比知己情人更深入的關係及配合故事年代背景，出現了兩人吹波波、踩單車、逛公園、影寶麗萊、買黑膠，又有小販車賣豆腐花、砵仔糕，勾起不少集體回憶。
Joyce 說：「我哋有去踩單車、吹波波、去公園、去海邊，成件事好兩小無猜，好初戀，其實我都離開咗我真實嘅初戀十幾年，有好多回憶，感覺好得意。」BabyJohn 則說：「我會形容呢段係比初戀更到肉嘅關係，因為我做呢段戲嘅時候，感覺唔係初戀，係連啲初戀男朋友知道有呢個女仔都會妒忌嗰隻。呢段關係深入到你了解佢所有，同埋所做嘅嘢係天真無邪，但佢哋又唔可以拍拖，清純嘅關係比初戀更清純，我覺得呢兩個角色係冇曖昧冇愛情，但佢哋了解對方好深入，呢個先至係最到肉地方。」
Joyce 和 BabyJohn 今次對手戲極多，中間更有一場接吻戲，但原來在拍《29+1》前，兩人並不相識，而且各自覺得對方cool，幸得導演彭秀慧特別帶領排戲，造就兩人有相處機會而改觀，仲不約而同驚覺對方係傻嘅，BabyJohn笑說：「其實大家都好真性情，乜嘢都攞出嚟傾，去到拍呢場戲嘅時候係一啲尷尬都冇，我亦好多謝Joyce對我嘅信任。」
Joyce亦多謝BabyJohn這位好拍檔，令到整個拍攝很自然和流暢，「拍出嚟都會感覺似係由細識到大，多謝佢同導演俾機會我哋去認識大家。拍戲遇到好對手係好重要，好開心認識到呢個人。BabyJohn戲內戲外都係好男人，佢會分析劇本、分析角色，俾好多時間同我傾偈，我係好鍾意，因為今次係我第一次做戲份重角色，所以佢都俾我好多信心。」
