最新消息

遊沖繩傳婚訊 雨僑:我未嫁架!

2017-04-24
雨僑近日趁住有幾日假期,與家人同遊日本沖繩。此行阿僑一家自駕遊四出觀光,去美國村又去恩納村,最搞笑的是當她處於恩納村國家自然公園內的自然景觀、以珊瑚礁懸崖而聞名的萬座毛時,遇上一輪大風吹,被強勁海風吹到變西門吹風,拍片都只係聽到風聲冇人聲。
平日雨僑不時拍片與眾分享美容心得或旅遊貼士,本來今次她都度了一條絕世好橋在萬座毛拍攝,可惜人算不如天算,變了西門吹風小姐後,因為吹到成個人were晒,連條橋都吹散埋,拍片告吹。
不過,是次雨僑出trip其實相當寫意,都係觀光為主,更做了廿四孝囡囡陪父親買釣魚用品。由於之前屢傳雨僑和男友羅力威結婚,所以不少朋友及網友都問雨僑是否已在沖繩嫁埋?她聞言笑說:「未嫁....多謝大家關心,如果我結婚會話俾大家知,呢次純粹係同屋企人旅行,順便唞吓,完全冇神秘嘢。」