最新消息

彭秀慧BabyJohn送蛋糕 娜姐廣州驚喜慶生

2017-06-09

彭秀慧自編自導之電影作品《29+1》在港澳兩地已過千萬票房佳

績,而內地則於6月2日全國上映,近日一眾演員已在廣東省展開宣傳及路演,昨晚《29+1》團隊身在廣州,彭秀慧特別訂了一家飯店開神秘生日會,為女主角周秀娜(Chrissie)補祝牛一,同片的蔡瀚億(BabyJohn)及工作人員亦在場為娜姐慶生,鄭欣宜因在港參與父親鄭少秋的演唱會而未能到場。
之前娜姐正日生日要開TVB《宮心計2‧深宮計》,劇中演員在錄影廠為她搞生日,今次在廣州「突擊」開生日會,事前亦未有通知娜姐,所以令她既開心又驚喜,席間BabyJohn和彭秀慧更送上蛋糕及一齊開香檳,事後娜姐說:「好開心呀!因為冇諗過仲會有人幫我慶祝生日。呢幾日大家一齊過嚟廣州做電影宣傳,大家都好辛苦,但喺呢個咁辛苦嘅時候,佢哋都仲會買個蛋糕,特登安排呢個驚喜俾我,真係好surprise,所以我覺得大家都錫我,呢個生日我過得好難忘。最開心就慶祝完生日之後,然後我返去我哋香港嘅慶功宴,喺31號慶祝呢個咁好嘅票房,又同電影成個團隊一齊過,雙喜臨門!」
BabyJohn早前去過廣州做《拆彈專家》謝票,今次再去廣州又遇一班忠實粉絲,收禮收到手軟,他笑說:「最開心係收到啲fans好多好細心嘅禮物,甚至係佢哋手寫嘅信,再加上Chrissie生日,我哋可以一齊路演之後去慶祝,亦為佢嘅旅程添上驚喜,都係我哋團隊送俾佢嘅禮物,成個過程都好開心。」
導演彭秀慧首次去內地做電影宣傳,亦感覺很開心,且發現廣州的影院又新又舒服,觀眾熱情兼表現直接,她說:「我特別鍾意係可以喺電影放映之後見到佢哋,希望珍惜個見面可以變成一個交流。佢哋真係有問題會問同會表達對呢部港產電影嘅感覺,當佢哋鍾意嘅時候我梗係好開心,因為內地嘅觀眾睇香港嘅電影都有共鳴,原來係好興奮嘅。」彭秀慧為周秀娜補祝生日亦很有心思,除了帶來小驚喜之外,她亦希望娜姐開心快樂,彭秀慧說:「蛋糕上面特登寫咗Happy Day to Chrissie,其實係『林若君』(周秀娜片中角色) 喺戲入面嘅其中一個小情節,就係生日快樂不及每日都快樂,加上唔係佢正日,所以Happy Day就係希望Chrissie生日之後幾忙都好,每日都過得開心。」