最新消息
《全美一叮》四主持嗌yes 9歲譚芷昀晉級：我會繼續努力！
2017-06-21
來自香港的9歲小妹妹譚芷昀 (Celine) 參加美國真人騷《全美一叮》( America's Got Talent / AGT )，上周 AGT 的官方 facebook 及 YouTube 播出Celine在節目中參賽、獻唱《My Heart Will Go On》的預告片，至今六日之瀏覽率合共接近6,000萬，引來全城關注。
《全美一叮》於香港時間今早播出最新一集，Celine在演出後，獲四位評判一致say yes，讓她順利晉級。期間主持 Simon Cowell 還笑問 Celine 是否有人幕後代唱，Celine就以流利英語笑說沒有，而大會在宣佈她入圍後，一直在後台打氣的Celine 爹哋譚順生 (Steve) 、媽咪和細女 Dion 興奮得立即跑到台前，與 Celine 大擁抱，而 Celine 媽咪更加感動得熱淚盈眶。
Celine今次參賽獲無數觀眾支持，亦是史上第一位香港人晉級賽事，昨日節目播後，她高興地說：「我而家好開心，四個judge (評判) 俾我四個 yes，我會繼續努力嘅！」至於Steve亦表示：「今日喺電視睇完成個表演，同上次喺後台睇嘅感覺好唔同，上次心情好緊張，今日會睇到Celine進步咗長大咗，自己識對答，好似Simon話後面有個 backup voice，Celine 仲好搞笑話冇呀，後面都冇人。呢次喺過程中，都遇到好多勁人，佢哋亦付出好多，要喺佢哋身上學習，所以Celine下一round 要做好準備，集中精神做好自己，希望為香港增光。」
