最帥郭靖出霸氣降龍掌 Chilam射鵰引弓搵「容兒」

張智霖 (Chilam)主演的懸疑驚慄片《京城 81號II》將於本月27日在港上映，近日Chilam忙於在內地宣傳，日前他和片中演員耿樂齊上湖南衛視綜藝節目《快樂大本營》為《京》片造勢。由於該集節目有一個以回憶港片為主題的環節，加上新版《射鵰英雄傳》熱潮正起，所以曾在1994《射鵰》中飾演郭靖的Chilam，就被邀請再扮郭靖，重現經典。

相隔23年，被網民封為史上最靚仔靖哥哥的Chilam簡直係急凍奇俠，完全冇變過，他在《快本》中和主持謝娜分飾郭靖黃蓉，上演爆笑版《射鵰》。當靖哥哥四圍大叫「蓉兒」時，在場的另一嘉賓容祖兒即刻舉手，惹來哄堂大笑；之後Chilam和謝娜合唱《射鵰》主題曲《鐵血丹心》，謝娜竟然咪嘴扮甄妮唱廣東歌，反而Chilam就真唱，令觀眾笑到肚痛。

不過，Chilam扮靖哥哥其實都有功架，特別是他擺出射鵰引弓的招牌動作時，的確夠姿勢。另外Chilam又備受考驗，被謝娜即場要求打出「降龍十八掌」，但Chilam不負眾望，一口氣打出「亢龍有悔」、「飛龍在天」、「潛龍勿用」、「神龍擺尾」等等經典招式，同當年劇中施展降龍十八掌如出一徹，耿樂和主持何靈即時睇到V嘩鬼叫，何靈更加大嗌：「對啊，就是這個畫面，天啦！」