「大家對獵奇好有求知慾」 張繼聰爆房實錄破百萬點擊

改篇自《一路向西》原作者向西村上春樹另一力作之超爆笑暑期猛片《西謊極落：太爆‧太子‧太空艙》，鐵定下月10日爆艙出擊。不過電影未正式上映已先聲奪人，日前hmv在官方facebook專頁發佈一條以張繼聰爆房為主題的電影宣傳片 (https://www.dropbox.com/sh/2aviz7hjtn1xm94/AADbOguTL-UYODwGVb2p-Naka?dl=0 )，短短3日內已高達105萬點擊，引來網民極大迴響。

 

張繼聰在戲中飾演疼愛女友Jenny（鄭欣宜）的貨van司機阿明，活在一個土地問題嚴重的社會中，為找到一個同Jenny好好享受魚水之歡的安樂蝸，千辛萬苦，甚至將貨van改裝成「浪漫車床」旅居郊野公園，但結果都係「交配」唔成。這條突破百萬點擊的宣傳片正是電影故事的延續，張繼聰以阿明身份，親身去佐敦一間以主題情趣房聞名的酒店，戴上偷拍眼鏡拍攝炮房環境，更與酒店內「等位」的情侶交流爆房心得。

 

片中最觸目的當然是兩間主題房 ─ 診所及地鐵車廂。張繼聰一踏進「診所房」，看見那張像真到極高的婦科檢查專用椅，即讚好說：「嘩，呢個夠玩半個鐘，仲有埋燈添，過隧道就夠晒光啦！」講到好有畫面，難怪一班網民睇得咁開心，留意表示好期待電影上畫之餘，仲猛問這間酒店的地點。

 

張繼聰得悉其爆房片大受歡迎後，都覺得好happy，他笑說：「呢條片咁多人睇，我諗可以證明大家對獵奇好有求知慾，都好開心，因為呢條片或者呢套戲嘅製作好有創意，又好貼地又好抵死，希望大家係只睇條trailer，大家都可以入場支持我哋，我都特別多謝電影公司嘅宣傳部同製作部同事，咁好嘅點子都係佢哋諗嘅，我負責飾演啫，成個過程都好開心，希望大家繼續睇條trailer之餘，遲啲捧我哋場。」