雙重敏感夾攻㒼鼻錄歌 雨僑盼與子偕老迎花季

執子之手，與子偕老；幸福的畫面，人人都想，雨僑（Ava）當然不例外，其新歌《花季》亦正正反映了女生的憧憬，不過Ava在錄歌時就慘遇「重重困難」，「我喺錄音時係病到睇咗好多次醫生，嗰一排氣管敏感、鼻敏感，直情行路行出街都喊住咁行，流住鼻涕，隻手唔揸住張紙巾都唔得。」

 

受到雙重敏感影響，Ava鼻㒼（音：萌）變聲，但歌曲監製Randy（周錫漢）反而鍾意Ava用這把「㒼聲」錄音，Ava笑言，「Randy話鍾意呢把聲，仲用咗，比預期中錄少咗一日添，所以喜出望外，呢把好特別嘅聲連我都唔認得，但監製又好鍾意。」

 

《花季》全新mv ( https://www.youtube.com/watch?v=-s0yuzCAxNc ) 昨日亦正式登場，mv 特別聘請了插畫師徐羨曾做後期，所以拍攝很考工夫，雨僑事前排練多次跟空氣做戲的動作，結果順利地「一take過」完成。插畫卡通講述一對青梅竹馬男女，成長期間發現不同興趣，亦各自忙於工作，兩人愈行愈遠；幸而經過雙方努力，有如種花一樣需要細心栽培、灌溉，才能綻放花季，擁有美好的大團圓結局。