最新消息

女神出沒紐約時裝周 周秀娜明角逐東方奧斯卡影后

2018-09-13
周秀娜 ( Chrissie ) 應法國時尚品牌 LONGCHAMP 邀請,於上星期飛往美國出席品牌 70 週年之活動及欣賞紐約時裝騷,而大會對娜姐非常體貼,當她抵達紐約後,即把新一季的服裝及手袋送去酒店房任娜姐挑選,最後她揀了一條飄逸 feel 的白色連身裙,Chrissie 笑說:「其實啲衫件件都好靚,但白色會精神啲同埋易襯,同埋我覺得好女神。」
 
期間 Chrissie 並擔任媒體星級客席編輯,訪問了 LONGCHAMP 藝術總監 Sophie Delafontaine、超模 Kate Moss 及韓國名模朴秀珠等,當然亦有互相交流時裝經,Chrissie稱此行雖然趕到飛起,頭尾連坐飛機來回只得一個禮拜,連適應時差都冇時間,但她一樣覺得好充實,是一個難忘旅程,最可惜因為來去匆匆,睇騷睇到好開心的 Chrissie 不知幾想 shopping,但她今日已人在半空,吊住濕平癮搭飛機趕去內地出席明晚 (12/9) 在寧波慈溪市體育館舉行的第六屆海峽兩岸三地《十大華語電影盛典》。
 
Chrissie 去年主演的彭秀慧作品《29+1》,在歐洲及亞洲等地的影展和頒獎禮上都獲得一致好評,同時她亦首次入圍今年的《香港電影金像獎》「最佳女主角」。至於被喻為東方奧斯卡、將於明日舉行的《十大華語電影盛典》,《29+1》再次成為入圍的港產片,Chrissie 會角逐「年度最佳女主角」,Chrissie 對此感到既榮幸又興奮:「梗係開心,《29+1》能夠去到咁多地方,得到咁多人嘅支持同肯定,呢樣係好難得,我會好珍惜。我唔會諗有冇獎,有得被提名已經係對自己嘅鼓勵,最緊要觀眾鍾意,同埋好希望嚟緊嘅日子,可以拍到更多好嘅作品。」