王宗堯執導拍mv 陳詩慧40度高溫扮太空人

2017-08-03

改篇自向西村上春樹作品之爆笑電影《西謊極落：太爆‧太子‧

太空艙》鐵定9月7日上映，今次電影配樂由陳詩慧 (Eva) 包辦，所以過去大半年，Eva就匿喺家中閉關做歌；至於《西》片插曲《太空艙》，亦由Eva作曲監製兼主唱，作詞則是Eva和梁柏堅聯手打造。除此之外，其實Eva在電影亦飾演富婆角色，造型達五、六個之多。

Eva早前拍攝《太空艙》mv，由老友兼同門師兄王宗堯擔任導演，不過當日拍攝真係攞你命九千，因為Eva在mv 中都有新造型，就係七成時間以上都要着住件包到上頸的超厚太空人衫加埋太空人頭盔，更走勻全港九多個地方拍攝，由日出拍到半夜；但早幾日香港氣溫日日三十幾度，加埋件密不透風的太空裝，Eva全程由頭濕到落腳，又由底濕到上面，流汗未停過。

Eva則說：「呢次係好開心、好感恩邀請王先生仗義幫忙揸機拍mv，不過我自己係有啲攞嚟賤，想配合返太空艙主題，特登喺淘寶搵件太空衫返嚟，大熱天時三十幾度喺街度着住侷桑拿好辛苦，但都係想表達自己嘅訊息。」