最新消息

「骨妹」生日派湯 雨僑獲fans送超勁榴槤cake

2017-08-07
雨僑 (Ava) 前日生日,今年Ava的牛一好滿足,因為工作排得滿滿之餘,一班追隨多年的fans亦於昨日 (8月6日) 在銅鑼灣的hmv kafe為她舉行生日會,令Ava好欣慰。
昨日穿上大紅露肩裝的壽星女Ava,舉行小型生日party,與在場粉絲傾偈、影相、玩遊戲、唱生日歌,而fans亦送上鮮花、清保涼、自製小禮物等等,最特別係送上一個榴槤cake,Ava切cake之後直情榴槤飄香,雖然唔係人人頂得住,事後她笑說:「我年年都同fans聚吓、互動吓,大家一直保持好好,佢哋都跟咗我咁多年,都好知道我心意,所以特登揀咗個榴槤蛋糕俾我,其實佢哋好多人都唔食,好在間餐廳夠大,如果唔係咁勁嘅榴槤味怕臭親隔離。」
Ava為回饋fans心意,亦一如在參演新片《西謊極落:太爆‧太子‧太空艙》的骨妹角色般,大送西式靚湯俾fans滋潤。提到《西》片將於9月7日上映,其新歌《花季》又已推出,Ava就說:「好開心呀,今年係好多成果嘅一年,有歌有戲,有多啲作品俾fans睇都開心嘅。」