杜小喬嗌強姦 Bob 肉戰全裸周祉君

落：太爆‧太子‧太空艙》，鐵定9月 7 日正式上畫。昨日電影公司發放了一條《西》片片段 ( https://www.facebook.com/hmvDigitalChinaGroup/videos/1477644485662321/ )，講述飾演賊仔的林盛斌 ( Bob )  戴住頭笠在後巷打劫杜小喬，嚇到她奪命狂呼大嗌強姦，路經的周祉君見狀火速護花，但原來周祉君因犯過強姦入獄，兩個監躉以前曾在監獄的浴室內相遇，因為一場打鬥由敵變友，其中一幕鏡頭仲非常曖昧，Bob 跪地面向近乎全裸的周祉君，個頭對正對方重要部位，不少網友都留言大讚好笑。

當日拍攝這場戲，Bob 最難忘係熱到抽筋，他說：「因為好熱好熱，仲要開埋花灑嘅熱水器，要搞到現場有啲煙，啲汗係真汗唔係假，大家都拍得好辛苦。」周祉君疑全裸上陣，仲要質Bob 頭對住其「JJ」，Bob對此笑說：「周祉君係個好專業嘅演員，佢唔怕辛苦，嗰場戲佢又打又喊晒又好激動，用好多力量，我都配合佢用好多力量，佢着咗一條好短嘅肉色 T-back 底褲，其實好性感，片段中佢嘅重要部位爭啲掂到我塊臉，係用喜劇效果交代，我相信入場嘅朋友見到我呢幕都會好震撼。同埋呢一幕係戲中好重要一幕，交代我同祉君點解變成朋友、到出獄後再撞番嘅關係，之前睇咗優先場同試片嘅觀眾話呢幕戲係成套戲入面其中最好嘅一段，所以好期待首映嘅時候，我好想睇現場嘅反應，而家睇到呢套戲嘅網上宣傳片段hit rate相當高，我相信呢套係過去幾年最好笑嘅笑片，希望大家入場支持。」