扮龍蝦博柏豪懵陳詩慧拍mv：我唔係人！

2017-09-08

陳詩慧 (Eva) 在9月7日上映的《西謊極落：太爆‧太子‧太空艙》中飾演有錢女莊思敏阿媽，她這個本身喜好一身紅似龍蝦打扮的富婆角色，在戲中要抽周柏豪水，向他毛手毛腳，又因為想體驗人生而四出打工，包括扮OL及時鐘酒店性感接待員，仲要扮觀音娘娘，古靈精怪甚搞笑。

除了演出外，Eva亦為《西謊》做電影配樂，主題曲《太空艙》更是由她主唱、作曲兼監製 ( mv鏈結：https://www.facebook.com/evachanszewai/videos/1319231008183671/ )，早前她拍攝mv，由王宗堯擔任導演，足足拍了四、五日才正式完成，但Eva在mv中着住由頭笠到腳、密不透風的太空裝及頭盔，拍攝那幾天熱就固之然，但奇就奇在全程冇樣，Eva對此說：「係有概念嘅，講mv入面着太空衫嗰個未必係人，係個外星人，太空人打扮係因為隻歌叫《太空艙》，又因為冇錢上太空拍，我又唔係異形，首歌嘅意思係想講一個唔屬於地球嘅人鍾意咗一個地球人，但佢哋唔可以一齊。如果見樣嘅話，即係代表我係一個人，咁我唔係一個人嚟架嘛。」