最新消息
笠頭賊遊街又笑又喊 Bob真人騷贏120萬點擊
2017-09-08
「我啱啱放出嚟，可唔可以借幾蚊俾我搭車返屋企？」如果你逛街時
，突然有個笠住賊仔頭套嘅男人說出這段話，你會有咩反應？林盛斌 (Bob)早前就喺筲箕灣東大街親自示範，上演扮賊「度水」真人騷，為 (9月7日)上映之人氣話題電影《西謊極落：太爆‧太子‧太空艙》拍攝宣傳片，結果這條有笑有淚的片段於前日 (9月4日) 上載官方facebook後 ( https://www.facebook.com/hmvDigitalChinaGroup/videos/1484461398313963/ )，點擊率高達120萬，網民迴響極大，兼且近乎全正評，非常好反應。
《西》片中飾演「慣犯」的 Bob，當日「笠頭」現身東大街拍攝宣傳片，先去報紙檔及茶餐廳混桔，又當街當巷亂問途人攞錢：「幾蚊就得架啦，我住貝沙灣，古天樂隔籬，可唔可以借幾蚊我搭車？」嚇到街坊雞飛狗走，更有短裙短髮美女鬧他「癡線」！但Bob鍥而不捨，終於有收穫，有餐廳老闆表示：「我俾十蚊你。（十蚊太多，我要幾蚊咋。）我冇散紙呀！你去『唱』啦。（咁我唔要，算啦。）」之後笠頭Bob向公園阿婆「埋手」：「借幾蚊俾我搭車返屋企吖？」阿婆「神回」KO：「我攞生果金開飯咋，邊有錢借俾你呀？」阿婆說罷即時攬實手提包鬆人，勁搞笑。
不過香港地都好多好心人，Bob在公園同一名地盤工友坐埋一齊煲煙閒聊，工友就好體諒笠頭Bob處境，感嘆自己以前淒涼到食番薯，仲俾10蚊Bob搭車，Bob激動得含淚說：「好感動，呢十蚊我會好好記住，多謝你。」工友立即安慰他：「感咩動啫？你搭車都要錢架，唔好咁樣啦，咁大個人……」有名手語人士亦樂於即刻借錢，搞到Bob百感交集。
經過今次街頭體驗，笠頭Bob有很深的體會，他說：「我本來以為香港人會很冷漠，但原來仲有好多人係好有同情心，好有愛，好感動。」
《西》片中飾演「慣犯」的 Bob，當日「笠頭」現身東大街拍攝宣傳片，先去報紙檔及茶餐廳混桔，又當街當巷亂問途人攞錢：「幾蚊就得架啦，我住貝沙灣，古天樂隔籬，可唔可以借幾蚊我搭車？」嚇到街坊雞飛狗走，更有短裙短髮美女鬧他「癡線」！但Bob鍥而不捨，終於有收穫，有餐廳老闆表示：「我俾十蚊你。（十蚊太多，我要幾蚊咋。）我冇散紙呀！你去『唱』啦。（咁我唔要，算啦。）」之後笠頭Bob向公園阿婆「埋手」：「借幾蚊俾我搭車返屋企吖？」阿婆「神回」KO：「我攞生果金開飯咋，邊有錢借俾你呀？」阿婆說罷即時攬實手提包鬆人，勁搞笑。
不過香港地都好多好心人，Bob在公園同一名地盤工友坐埋一齊煲煙閒聊，工友就好體諒笠頭Bob處境，感嘆自己以前淒涼到食番薯，仲俾10蚊Bob搭車，Bob激動得含淚說：「好感動，呢十蚊我會好好記住，多謝你。」工友立即安慰他：「感咩動啫？你搭車都要錢架，唔好咁樣啦，咁大個人……」有名手語人士亦樂於即刻借錢，搞到Bob百感交集。
經過今次街頭體驗，笠頭Bob有很深的體會，他說：「我本來以為香港人會很冷漠，但原來仲有好多人係好有同情心，好有愛，好感動。」