《西謊》港開畫贏56億中國片王《戰狼II》 林敏驄帶雨巢開光

戰狼II》正面交鋒，但結果《西謊》收57萬勇奪華語片單日票房冠軍，至於《戰狼II》昨日的香港票房則為38.2萬。
《西謊》一眾太空艙「艙友」與吳京在大銀幕PK，首日暫贏一仗，當然要多謝觀眾入場支持港產片。林敏驄、雨僑、兩位導演吳漢邦和吳兆麟、監製孫立基昨就齊齊去到旺角謝票，林敏驄入場時，都未開聲已令觀眾瘋狂尖叫拍掌，他對觀眾說：「今日第一日開畫都算捧場，有taste！所以我哋帶咗女主角『雨巢』俾大家開光。」
雨僑俾林敏驄改咗成堆花名，又「雨雲」又「雨巢」，但她毫不介意，仲即時回應：「為咗配合主題，我條褲真係坐到巢晒，多謝大家嘅支持，我係阿麗 (其片中骨妹角色)。」
對於《西謊》首日獲不俗票房，雨僑說：「好開心成績咁好，因為真係講緊一個香港人全部都會有共鳴嘅話題，我自己都係租屋住，好明白上唔到車又想慳錢嘅感覺，同埋呢部戲真係由頭笑到尾，完全係冇停過，一班演員好有火花。」之前《西謊》開過優先場，眾演員如林敏驄、林盛斌、連詩雅、雨僑、杜小喬、周祉君等等都非常落力，輪流謝票，有次陳詩慧更在風球下冒雨謝票，敬業樂業，位位演員都值得俾like。