肢解屍體 嚇親阿Sa 張智霖掟林家棟落海

陰陽路》系列 20 周年紀念作《常在你左右》，已定於 10 月 26 日在港上映，演員方面有古天樂、張智霖 ( Chilam )、林家棟、蔡卓妍 ( Sa )、佘詩曼、林雪、苑瓊丹、雨僑及「龍婆」羅蘭等等，陣容鼎盛。
今次 Chilam 在片內飾演一名的士司機，因為一次交通意外引來牽然大波，導致多人傷亡，其中一幕講述他在車禍後入住阿 Sa 開設的度假屋，但卻遇上一宗又一宗的房客自殺事件，當中包括林家棟，他為助阿 Sa 而將家棟肢解再棄屍大海，雖然 Chilam 一心幫阿 Sa，但此情此境當然嚇親人。
Chilam 的角色性格是思想負面，所以演繹時都有點難度，「我未做過的士司機嘅角色，而電影中車禍後有一種贖罪的心態，最難演繹係我並唔係經常帶住罪惡感嘅人，我比較正面，好灰暗嘅一面係要好用心去諗出嚟。」
Chilam 為了演活的士司機角色，一度積極增肥，「我眼見世界各地嘅的士司機都唔會 fit 到有六嚿腹肌，因為坐得多，通常有個肚腩，所以增肥符合角色，第一係職業，同埋呢個人唔可以 sharp，所以係一滴化妝都冇，盡量搞到個狀態似角色。」