古天樂佘詩曼恩愛夫妻 阿佘睇完劇本被嚇怕想拒演

備受期待的集體回憶經典驚慄電影《陰陽路》系列20周年紀念作《常在你左右》，已定於本月26日在港上映，由南燕及唐文康監製、導演邱禮濤執導，演員方面有古天樂、張智霖 (Chilam)、林家棟、蔡卓妍 (Sa)、佘詩曼、林雪、苑瓊丹、雨僑及「龍婆」羅蘭等等，陣容鼎盛。

 

古天樂和佘詩曼在電影中首次飾演恩愛夫妻，《陰陽路》系列中經典人物的羅蘭(龍婆)是飾演古天樂的姑媽。古仔同阿佘除了是一對夫妻外，更一齊飾演便裝警員，經常孖公仔去查案。

 

佘詩曼亦是首次參與驚慄電影演出，她之前看過劇本後，覺得非常恐怖，曾想過不接拍這部電影，「心理極限係本身對恐怖片嘅恐懼，自己係唔會睇恐怖片，平時都唔會接觸呢類型嘅劇種，接拍前睇完劇本後同監製講我可能拍唔到，因為我好驚，睇完劇本後發惡夢，監製叫我咩都試吓，同埋導演會喺現場帶領同引導，拍攝時唔會驚，結果拍嘅時候先覺得原來拍一部驚慄片都幾得意。」