孖寶擦火花 欣宜霸氣舔刀 蔡瀚億爆笑

鄭欣宜（Joyce）同蔡瀚億（BabyJohn）繼電影《 29 + 1 》後再於人氣劇集《老表，畢業喇！》拍檔做爆笑孖寶，這對活寶貝在劇中不時針鋒相對，笑料成籮；由於兩人太熟，加上 Joyce 的角色崇尚古惑仔文化，出親嚟都超霸氣，所以戲裏戲外都笑唔停。

 

Joyce 很多謝王祖藍為她度身訂造這個角色，這是她首次用一個霸氣的「大家姐」方式去演繹，她覺得效果十分理想，連她自己都嚇一跳，不過過程中最辛苦的就是要不斷忍笑，她笑說：「我喺劇入面第一次扮大家姐，同 BabyJohn 有好多對手戲，但就係因為咁而 NG 咗無數次；有一幕係我要揸刀去恐嚇人，我仲要用條脷去『瀨』把刀，但係 BabyJohn 完全忍唔到笑，呢個鏡頭結果拍咗十幾二十個 take呀！哈哈！」

 

從影壇首度空降電視圈的 BabyJohn，飾演一名不學無術的富二代，講對白要用半鹹淡中英文，這角色對他而言甚具挑戰性，而 BabyJohn 又得意又好笑的演繹亦令網民好鍾意，戲中他這位有錢仔對 R.I.P 另類演繹為「Rich is Poor」，以及唱串燒懷舊金曲向岑麗香表白一幕，單是這兩幕的短片加埋已近80萬點擊。

 

要用不純正廣東話再夾雜英文講對白，為演活這個半唐番角色，BabyJohn 都要下苦功練習，他說：「呢個角色設計相當有趣，拍之前編劇希望我加啲新加坡口音落去，我就自己去苦練，睇好多片去了解，仲去留意喺外國留學嘅香港人，終於俾我練到，但因為成日都用呢種方式去講嘢，結果連平日生活都改唔番正，真係笑死街坊。」