最新消息

「招積」變身 入伍三國 張建聲增肥15磅演張飛

2017-10-27

入行6年的張建聲 (Justin) 繼《一路向西》、《壹獄壹世界之高登闊少踎監日記》為人所熟識後

,近期再憑昨晚播出大結局的4K神劇《反黑》中、飾演社團大奸角「招積」而人氣急升,同時更被網民推崇演技大爆發。Justin發展穩步上揚,實力被肯定之餘,片約亦一部接一部,早前他除了夥拍雙影帝周潤發和郭富城、參演重磅電影《無雙》外,其實近日他亦秘密入組另一部由周顯揚導演及監製、杜致朗編劇及監製之超級巨製《真‧三國無雙》,飾演張飛一角。

張飛為三國時代蜀國著名武將,與劉備和關羽在桃園結義,並列劉關張。相傳張飛黑黝健碩,挺丈八蛇矛,性情粗獷剛烈,所以Justin為求外型神似,先故意爆肌後再增肥15磅,他說:「呢排好多人問我係咪發福咗?話點解我脹咗咁多?其實我係參與緊一部我好鍾意、由一個傳奇遊戲 game 改篇嘅電影《真‧三國無雙》,飾演張飛呢個角色。起初係我老闆蕭定一俾咗三個月時間我去健身,要由普通身形操到變型俠醫嗰隻,本來我都操到七七八八,但到試造型嗰陣,先發覺我哋想還原張飛喺遊戲機入面嘅真實造型,如果要拍遊戲 game 嘅真人版,就要令觀眾有代入感,為咗還原度更高,我特登着咗件特技衫,令到我增肥咗,點知拍時係好多外景,成40幾度,加埋件衫又盔甲又用真兵器,所以好重好重,但感覺好似仲爭少少,所以我最後就增肥。」

Justin為了做好張飛一角,不惜放棄爆肌成績,「我放棄嗰三個月嘅肌肉,食番肥自己,結果我大概一個月內肥番15磅。」

Justin的去到盡已成為個人logo,監製杜致朗亦讚他很有潛質:「我們看中阿聲是因為留意到他是年輕香港演員之中很有拼勁的,肯搏肯努力很有香港精神,外型亦好,是可造之材。找他演出這大型製作磨練演技,是因為非常看好他的潛質。」