張繼聰突襲招積 張建聲鬧蕭定一「仆街」缝嘴

張建聲挾《反黑》「招積」一角彈起，唔知係真癲定人紅黐總掣？竟然連一手捧起他的老闆蕭定一都鬧！仲要老闆行「火屎」吳毅將條路，「同我捉蕭定一個仆街返嚟，縫咗佢個嘴！」

原來，係一個廣告；而廣告在官方fb上載兩日，已直迫50萬人爭睇。

事源係蕭定一近年旗下業務不斷擴張，除了其創立的中國3D數碼娛樂有限公司製作全港最多的港產片外，去年推出提供電影串流點播服務的手機程式「hmvod」，令業務更加多元化；為進一步提升服務質素，「hmvod」剛進行了大幅度的技術性更新，一向創意爆燈的蕭定一搵來張繼聰及「招積」張建聲出馬，齊齊拍廣告鬧爆舊版「hmvod」﹝https://www.facebook.com/hmvDigitalChinaGroup/videos/1539764642783638/﹞！

片中，「招積」上身的張建聲在k房攬女開hmvod睇戲，豈料手機程式播吓停吓，又窒又彈app，「招積」即刻發難爆粗，左一句「乜X嘢apps」、右一句要刮「蕭定一條仆街縫嘴」，就在「招積」嬲到發癲掟電話之際，張繼聰突然殺到，一手拎起支威士忌，另一隻手掹電話，望住「招積」話：「人哋update咗個app喇！」繼而耐心解釋「hmvod」更新後啟用的離線模式的用法和優點，招積先順番條氣。

升呢版的「hmvod」為做到真正「隨時隨地」送上影視節目，特別推出貼心的「離線模式」，當没有流動數據或wifi時，用家就可以利用離線模式觀看已經下載到手機上的精彩節目。「hmvod」亦新增了airplay及chromecast功能，讓用家可以將手機畫面接駁到大螢幕，透過「hmvod」用智能電視Smart TV、智能手機及平板電腦隨時隨地享受自己的私人影院。