元旦蘇州慈善唱 小Celine籲一人一蚊助災童

Celine譚芷昀在今個聖誕新年假期過得好充實，日前喺銅鑼灣hmv出席音樂成長分享會、同粉絲聚會後，日前（12月31日）已出發到蘇州，準備（1月1日）元旦出席於當地舉行的慈善音樂會。

 

大除夕展開今次蘇州之旅，Celine 在 facebook ( https://www.facebook.com/CelineTamOfficial/videos/1544395625625881/ )用多達七種語言，包括廣東話、英文、普通話、德文及法文等預祝大家2018年新年快樂！Celine 話：「我想祝大家新年快樂，happy new year ⋯⋯我依家準備出發去蘇州，參加中國紅十字會基金主辦嘅新年活動，做佢哋嘅慈善大使，希望大家會幫助敘利亞有需要嘅人。」

 

今次喺蘇州文化藝術中心舉行嘅「音樂無界・大愛無疆 2018樂助新年慈善音樂會」，由多個單位合辦，包括中國紅十字會、樂助慈善基金會及敘利亞駐華大使館等；希望透過「每人捐贈1美元」的方式來救助敘利亞受戰爭傷害兒童，幫助他們重新站起來，為他們帶來愛與溫暖。