《棟篤特工》海報再向007致敬 阿佘真假菠蘿箍實子華神

千手觀音，箍實子華！2018賀歲片《棟篤特工》日前又有新海報曝光，佘詩曼化身「千手觀音」，拎住個「菠蘿」（計時炸彈），又拎住個菠蘿包，又刀又手扣又盛，都仲有手扭住黃子華耳仔，難得子華冇有怕，繼續氣定神閒揸槍chok住擺pose！

《棟篤特工》上一張海報仿傚1981年007系列電影《鐵金剛勇破海龍幫 / For Your Eyes Only》經典海報，一個露半臀靚女晒無敵靚腿已引起熱烈討論。今次《棟篤特工》新海報就向1983年上映嘅《鐵金剛勇破爆炸黨/ Octopussy》致敬；佘詩曼喺新海報中正式登場，「手多多」嘅佢拎軍刀、拎臘腸、拎魚蛋，仲有個桔！除咗扭子華耳仔，阿佘隻腳亦要撓實佢，兩個真係好癡纏。

海報上除了飛機飛車爆炸外，C君同蘇麗珊亦首度曝光，一個揸住機關槍，一個俾子華用槍指住個頭，但玄機就要留待2月15日上映時揭盅，而2月14日情人節更率先有sweet爆優先場。