阿佘：「玩你一萬光年」 子華毒男發惡打到C君飛起

由黃子華和佘詩曼主演的2018賀歲猛片《棟篤特工》，將於2月15日年三十晚隆重獻映。電影公司發佈首條《棟篤特工》官方正式trailer （https://www.facebook.com/hmvDigitalChinaGroup/videos/1610072575752844/）片中子華神飾演的特工「Mr.Chan」大放異彩，造型多又爆笑，不過呢位港版007因為對阿佘悔婚，唔止被扮演madam的阿佘指派執行不可能任務，阿佘一見子華更加眼火爆，講到明：「如果玩你有個限期，我希望係一萬光年！」但子華即刻更正：「光年係一個距離嘅單位嚟架。」

子華在預告片內除了顯示 Mr.Chan 的特工強項：有腦、有型、睇得、打得、冧女得之外，仲有多個奇幻造型，包括着高腰牛仔褲孭背囊、亂髮配充滿霧氣的眼鏡，兼掛個老套腰袋，最抵死係要戴埋一個嘟嘴膠面具，騎呢到不能，引嚟戲中拍檔C君的恥笑，結果C君就被子華打到飛埋牆。另外，子華又有動漫cosplay以及一個笠電子頭罩的造型，他戴上連厚眼鏡的頭罩後，雙眼被放大到近乎豆雞，更被阿佘重刑伺候狠狠折磨。

預告片去到尾聲仲有驚喜，就係子華激罕開金口唱歌，真係big surpise，「燈登蹬竳~ 嬁噔璒、鐙蹬瞪鄧~ 凳隥僜、䠬墱嶝櫈 䮴鐙覴磴~」大家欲聽全曲，下回分解！