棒棒堂甩底 草食男「出剑」 赖东贤7日直变挛：我可以！

台灣BL神劇《HIStory》上周開始在 hmvod 播放第一季，而第二季單元《是非》的兩位男一江常輝及張行、《越界》的施柏宇和楊孟霖，當日旋風訪港12小時為劇集造勢。這四位演員在台灣攻陷腐女腐男界，有 fans 更專程從台灣搭同班機來港兼到活動現場撐偶像，同偶像共同進退。

 

《HIStory》第一季首個四集單元《My Hero》的第一、二集現已上架，由台灣「陽光仔」賴東賢與白滑「小鮮肉」蔣昀霖打頭陣 hehe，睇到粉絲心跳加速，但原來據台灣劇組透露，當初係邀請前棒棒堂成員阿本 ( 翁瑞迪 ) 演出，阿本甚至做定功課，為角色寫自傳，可惜後來因為檔期問題及想轉做幕後，結果劇組改邀蔣昀霖接「棒」；但去到轉主角的狀況，除了導演 ok 外，都要「另一半」賴東賢 ok，想不到他第一眼見蔣昀霖，就覺得對方很配合劇中角色的「草食男」特質，賴東賢一眼定情、一句「我可以」就造就了這對 BL 情人出現。

 

頭兩集《My Hero》，一開始 BL 已埋牙。故事講述死神敲錯門，烏龍帶走戲中賴東賢女友的靈魂，女友借了蔣昀霖的身體還魂，但條件係賴東賢必需在七日內與他接吻，不過未錫之前已笑話連篇，女心男身的蔣昀霖在瞓醒時出現男性生理反應，「寶劍」出鞘嚇到魂魄唔齊，呢場戲亦令觀眾印象非常深刻。之後蔣昀霖戲中 mark 實賴東賢共住，兩男同床共枕，日日撐枱腳，酒後吐真言，竟然真係動情，上兩集賴東賢就差斗零打茄輪。

 

隨住時間一分一秒過去，蔣昀霖在剩下的 68 小時內一定要做低賴東賢，所以在明日 ( 6月5日 ) 更新的第三集內要出絕招，一枝水兩份飲、一條餅乾棒兩份食，一齊跳舞、一齊玩積木、一齊畫大花臉，在甜蜜的氛圍下，蔣昀霖洗白白時更加忍痛擝腳毛，準備獻身！