极光许愿有运行 陈诗慧冰岛遭颜射

陳詩慧（Eva）近月密集式開工，除了躍上大銀幕，在今個暑假出籠的爆笑電影《西謊極落之太爆太子太空艙》一人分演多角外，又為該片擔任配樂，完成手頭工作後，Eva隨即放個靚假，飛去英國再去冰島睇北極光。湊巧Eva在冰島期間，一度盛傳當地有四個火山隨時爆發，但她返港後才得悉消息，Eva笑說：「咁我真係行運啦，可能因為喺冰島見到北極光，仲連續兩晚，啲人話見北極光會帶來好運，所以我都有許願。」

置身零度以下的冰島雪地，鋼條Eva一套禦寒打底已經頂得住，仲遊覽黃金瀑布、間歇噴泉，但當睇間歇噴泉時，Eva就慘遭顏射，她笑說：「大風囉，唔知風向吹向我塊臉，俾個噴泉噴到成臉成口都係水，啲水又唔辣嘴，幾好味吖，暖暖哋。」

今次歐洲之旅，其實Eva係先去倫敦，一遊London Eye及睇著名音樂劇《綠野仙蹤女巫前傳》(Wicked)，「呢套音樂劇好震撼，好好睇，都吸收吓當地文化，藝文青吖嘛。」她在英國瘋狂濕平，置新裝、買朱古力，之後再落腳冰島，「由香港飛英國，再喺英國等6、7個鐘轉機去冰島，前前後後成廿幾個鐘，遠就遠啲，但享受嘅，我終於第一次見到北極光，真係好開心！又可以攞靈感、影靚相，遠都係值得嘅。」