《29+1》再获尼斯影展四奖提名 欣宜首入围女配角喊到眼肿

)主演的女性話題電影《29+1》又傳喜訊！法國尼斯國際影展 ( NICE International Film Festival ) 今日公佈入圍名單，《29+1》勢不可擋獲提名四大獎項，包括最佳外語劇情片(Best Foreign Language Feature Film)、最佳導演 (外語劇情片)  - 彭秀慧 (Best Director of a Foreign Language Feature Film ─ Kearen Pang)、最佳原創劇本(外語劇情片) - 彭秀慧  (Best Original Screenplay of a Foreign Language Feature Film ─ Kearen Pang)，Joyce更首次獲提名最佳女配角(外語劇情片) (Best Supporting Actress in a Foreign Language Film ─ Joyce Cheng)；而頒獎禮將於5月20日舉行。
今早《29+1》劇組得悉入圍尼斯國際影展後非常振奮，Joyce更加激動到喊，她說：「係癲咗，喊到眼腫晒！我從來都對自己演戲冇信心，冇諗過有任何演戲上嘅提名，所以已經係贏咗。我喺拍攝時好質疑自己會唔會影衰呢個角色，會唔會令到咁好嘅故事carry唔到呢，但導演喺拍攝過程話『Joyce，你雖然話自己係個歌手唔係演員，但我想話俾你聽你係囉。』當時我好感激佢俾我嘅信心，但我始終都未信，雖然知道自己依然有好多嘅進步空間，但係今次提名真係一支非常大嘅強心針，更加估唔到係海外提名，希望可以繼續有機會喺演戲方面發展，更加努力學多啲嘢，喺演戲方面發展，同埋多謝彭秀慧導演同蕭定一俾呢個機會我嘗試，你哋搵我好大膽呀！」
彭秀慧同樣首次獲提名影展的界別獎項，當然感到十分開心，她說：「其實今朝我知道消息後，打俾Joyce直接faceTime，同佢一講就喊啦，我反而冇佢咁激動，但我都受寵若驚，希望套戲多啲人識、多啲人鍾意，獎項唔係自己控制，但再一次俾非華語地方睇到呢套戲，仲俾到四個提名係值得光榮嘅事。我自己有劇本、導演提名係好開心，我喺導演方面都真係一個新人，唔知自己用咩方法做最好，但會繼續努力！舊年五月我哋喺巴黎拍外景，今年五月可以返去法國，好有意義！希望公司所有人都去。」
《29+1》報捷唔停，Chrissie係既開心又感動，對於電影喜獲尼斯國際影展四項提名，Chrissie說：「好興奮，消息陸續嚟，恭喜導演同Joyce，我哋《29+1》有四個提名，真係好戥佢哋開心。我對佢哋有信心，希望佢哋攞獎，我哋一齊去法國吖！呢次真係為我哋5月上映嘅《29+1》打咗支好大嘅強心針，希望香港上映時都有好成績。」
其實《29+1》繼去年成為香港亞洲電影節閉幕禮電影後，上月亦獲得美國Sedona International Film Festival的「導演評審獎：最佳劇本獎」(Directors' Choice Awards: Bill Muller Excellence in Screenwriting Award)，到近日更在大阪電影節上勇奪壓軸的「觀客賞」(Audience Award)。