僵尸出没筲箕湾 BabyJohn英雄救阿叔

蔡瀚億（BabyJohn）近來戲接戲，忙到冇停手，除了即將上映的《29+1》和《拆彈專家》外，在日前 (16/3)剛出籠的新作《救殭清道夫》更擔正做男主角，當然落晒力宣傳。戲中錢小豪為BabyJohn師傅，教他捉殭屍，現實中佢都不負師傅一番心血，親自落手落腳收服殭屍！

事緣電影公司日前精心安排兩隻殭屍於筲箕灣行人隧道內整蠱途人，並安排一位受害者慘被喪食，結果嚇到途經靚女花容失色，仲有唔少大男人同阿叔即刻跑走！BabyJohn說：「以前睇就睇得多，外國成日嚇到啲途人好驚，但自己拍冇諗過會嚇到人跑走。其實搞到人以為有人受傷、有襲擊，都幾唔好意思，但都好多謝有人同我一齊玩、一齊捉殭屍。」

BabyJohn都好有心，不單一手一腳度定點樣收服殭屍，仲邀請途人一齊貼符鎮壓住兩隻殭屍，結果個個都玩得好開心，仲大讚BabyJohn靚仔又好身手！「其實一開始都好驚嚇唔到人、冇人同我哋捉殭屍，但原來大家都好玩得，嚇到死都仲好支持我哋，最後又好開心。其實條片除咗嚇人都係想娛樂大家，符合返部電影想做到嘅效果。作為一個演員，都未試過唔知觀眾點，基本上乜都唔知嘅情況下演一場戲，今次個街頭show真係玩得好開心。」