最新消息

2018第二季最高点击广告五强 周秀娜挟《29+1》队啡入围 林雪小乔苹果舞赢150万views

2018-10-12

近日 YouTube 公佈 2018 年第二季最高點擊之頭五位香港廣告,向來備受網民歡迎的林雪大殺三方,他參演的兩個廣告分別打入五強,其中排二位、夥杜小喬拍攝的 Somersby 蘋果酒廣告,截至前日 (10月7日) 為止,官方點擊高達1,518,831萬;另一個則為孖林家棟拍攝的 csl 廣告,排名第三,點擊達 1,449,100萬。林雪 BB 單就兩個廣告的官方總點擊已超過 300 萬 views,一時無倆。

得悉參演廣告咁受歡迎,林雪當然開心,「得閒我都會上網搵番啲片嚟睇,自己都笑埋一份,我諗要帶俾大家娛樂,首先要娛樂到自己。我好幸運拍親嘅廣告,都遇到好好嘅創作團隊,同埋大家又鍾意。」同林雪 BB 拍蘋果酒廣告的杜小喬,就認為廣告內容夠開心所以受歡迎,她說:「個廣告推出後,收到好多家庭 inbox 話屋企嘅小朋友會跳廣告入面隻舞,諗唔到個廣告會令一家大細都開心,覺得好驚訝同榮幸,可能係歌詞易上口、旋律又易入腦,隻舞睇就容易,其實都要啲技巧,我好佩服廣告創作同埋編舞導師。呢次同雪哥合作好愉快,佢成日不自覺咁提供笑料,令成個過程都開心。」

【趙永洪些粉效應獲62萬人撐】
至於最高點擊的第四位廣告,係屬於趙永洪同陳嘉倩合作的 DiDi app 廣告,點擊 625,866 萬。片中趙永洪繼續「些粉」效應,飾演的士司機暖男,他說:「好開心,多謝咁多朋友支持條片,希望客戶滿意,繼續拍落去啦。」而排名第五的廣告,係周秀娜同楊尚斌這對《 29 + 1 》男女聯手拍攝的 NESCAFÉ 咖啡廣告,故事內容有如延伸下去的《 29 + 1 》番外篇 ─ 坐在小巴中的「林若君」,是不是要嫁給拍拖十年的「楊子豪」?「林若君」似乎又走進人生交叉點;而這條一分鐘廣告片,就贏來 603,904 萬人次點擊。

原來娜姐出道時第一次拍攝的飲品廣告,正是同品牌的檸檬茶系列,她笑說:「感覺好得意,過咗十年喺《 29 + 1 》之後,同品牌第二次搵我合作,但拍嘅係咖啡,我覺得好搞笑,人愈大,選擇會唔同,但無論咩年紀咩選擇都好,都係順番自己感覺最啱。呢個廣告係用咗《 29 + 1 》面對人生決擇嘅時候,究竟點樣揀先係最啱自己,廣告團隊用一分鐘嘅時間去講完整嘅故仔俾大家聽,係功不可沒,好開心觀眾鍾意。如果大家都係面對同一件事或者唔同選擇嘅話,我覺得廣告呢句說話係好啱 ─ 順感覺順自己。」

 

廣告片參考鏈結:
●林雪杜小喬 Somersby 蘋果酒廣告
(截至2018年10月7日點擊:1,518,831)
https://www.youtube.com/watch?v=vfoVHIldY8U

 

 

●林雪林家棟 csl 廣告
(截至2018年10月7日點擊:1,449,100)
https://www.youtube.com/watch?v=B2TXTGPfACE

 
●趙永洪陳嘉倩 DiDi app 廣告
(截至2018年10月7日點擊:625,866)
https://www.youtube.com/watch?v=9A7CH0xjI-8&t=70s

 

●周秀娜楊尚斌 NESCAFÉ 咖啡廣告
(截至2018年10月7日點擊:603,904)
https://www.youtube.com/watch?v=YKaLEAjrDGw&t=1s