首执导广告撞风王「玉兔」 张建声下周硬闯菲岛潜水

超級颱風「玉兔」下周初殺到，有報導指這個勁過「山竹」的風王有機會吹去菲律賓。張建聲 （Justin) 原定下周去菲律賓拍攝首次做導演的酒商品牌廣告，卻撞正「玉兔」來襲，但因為已籌備好整個拍攝計劃，機票、酒店、工作人員全部俱備，Justin 經考慮後決定依照行程於下周初出發。

Justin 說：「因為所有嘢都凖備好晒，同埋個風都未知吹去邊，我哋照去住先。今㳄拍廣告仲要潛水，拍啲水底鏡頭，都有啲製作，所以除非菲律賓出預警先再考慮。」

Justin 近日已分別考取 open water 18米及advanced open water 40米潛水牌，湊巧有位熱愛潛水的客戶斟他拍廣告，雙方一拍即合，會拍攝一個結合海洋的酒類廣告，並於菲島取景，Justin 稱：「我有個潛水教練朋友做呢次廣告嘅導演，我都會幫手一齊做學吓嘢，自己首次執導係特別認真同緊張，要做好多準備功夫，每日瞓得四五個鐘，同埋因為要出埠，好多嘢唔可以出錯，挑戰性非常高。」

Justin 之前學潛水時，深感香港水質污染嚴重，令他更了解保育的重要性，「試過中午十二點前，潛到十八米係伸手不見五指，能見度一米唔夠，環境係咁惡劣。保育真係好緊要，將來有咩執海洋執垃圾活動都會盡量參與，自己好想出分力宣揚。其實學潛水好好玩同好有得著，因為你會發覺海底世界好平靜，同埋考潛水牌要學控制呼吸、理論、計數，最緊要夠冷靜，對於我呢啲成日咁衝動嘅人嚟講，對我做人、生活同演技都有新領悟。」