最新消息

  • 新mv心酸戀愛 鄭欣宜沙漠遇李拾壹

    2017-05-09
    將於下周四 ( 11/5 ) 正式上映之人氣女性話題電影《 2 9 + 1 》,電影宣傳歌曲《 fake a smile 》由女主角之一的鄭欣宜 ( Joyce ) featuring 唱作歌手李拾壹獻唱,兩人並携手填詞,而該曲mv已於今日新鮮出爐。(https://www.facebook.com/hmvDigitalChinaGroup/videos/1363108390449265/) mv中 Joyce和拾壹同處荒蕪沙漠但各自漫遊,直至遇上對方,完滿了彼此的內心世界,他們分別用雙手擺出相框動作,是表達自己的內心世界和價值觀的不同變化,整個mv大玩概念和感覺,既浪漫又藝術。由於mv...
  • 助EXO追女搶收視 張智霖吃貨天使深夜放毒

    2017-05-09
    張智霖 (Chilam) 和韓國天團EXO成員張藝興合演、於東方衛視播出的人氣愛情劇《 求婚大作戰》,已於日前正式首播。第一集《求愛》收視飄紅,高倨全國同時段三甲之內,最勁係引爆網絡話題,當中Chilam扮演的天使「天先生」,嗜好搵美食,食好西後先有能量,而且還要用手機app做美食點評,勁in,所以劇中Chilam大飽口福,食勻中、日、韓及fusion菜、又烤肉又拉麵又刺身又麵包,睇到觀眾流口水。 另一焦點係張藝興劇中女神 (國內女演員陳都靈飾) 結婚了,但新郎不是他,呢幕場面令大批女粉絲崩潰,好彩有現代丘比特Chilam施法相助,令他穿越時空回到過去,後事如何當然要繼續追。 又靚仔...
  • 猛男布吉玩爆房 張建聲湊一歲陳真嗌過癮

    2017-04-25
    張建聲 (Justin) 早前拍完網絡劇《反黑》,隨即接下三部電影及另一部網劇,檔期排到密麻麻,所以《反黑》劇組拖馬去布吉旅行,起初Justin因拍戲冇期未能未行,其後因拍攝中的劇組突然喞出幾日假,Justin連隨執包袱漏夜飛去布吉會合《反黑》猛男團隊包括導演宋本中、監製陳國坤 (小龍)、李璨琛、吳毅將及姜文杰等。 今次布吉之旅,《反黑》全體人員都玩得勁開心,特別係小龍帶埋一歲囝囝陳真同行,B仔當然搶晒fo,向來鍾意小朋友的Justin就成日攬住陳真唔放,他笑說:「佢真係好可愛,精精靈靈、chok晒樣,但又第一次落水,成班uncle好似一齊見證住佢成長,好過癮。」 Justin以為...
  • 遊沖繩傳婚訊 雨僑:我未嫁架!

    2017-04-24
    雨僑近日趁住有幾日假期,與家人同遊日本沖繩。此行阿僑一家自駕遊四出觀光,去美國村又去恩納村,最搞笑的是當她處於恩納村國家自然公園內的自然景觀、以珊瑚礁懸崖而聞名的萬座毛時,遇上一輪大風吹,被強勁海風吹到變西門吹風,拍片都只係聽到風聲冇人聲。 平日雨僑不時拍片與眾分享美容心得或旅遊貼士,本來今次她都度了一條絕世好橋在萬座毛拍攝,可惜人算不如天算,變了西門吹風小姐後,因為吹到成個人were晒,連條橋都吹散埋,拍片告吹。 不過,是次雨僑出trip其實相當寫意,都係觀光為主,更做了廿四孝囡囡陪父親買釣魚用品。由於之前屢傳雨僑和男友羅力威結婚,所以不少朋友及網友都問雨僑是否已在沖繩嫁埋?她聞...
  • 車禍後狂食生日飯 何佩瑜變素人湊B練EQ

    2017-04-05
    何佩瑜 (Jeana) 十日前在台灣拍攝電影《天使曾經來過》期間遇上車禍,幸好福大命大,有驚無險,Jeana及其親友閨蜜都對今次逃過一劫十分感恩,其後Jeana回港,適逢日前(2/4)28歲牛一,身邊人個個都輪住為她慶生,生日飯食極唔完。 繼和男友翁子光及朋友開小丸子生日派對後,Jeana繼續與友見面開餐,她說:「噚晚我同幾個識咗十幾年嘅閨蜜聚會,我之前喺台灣拍戲,兩個月冇返香港,又大難不死又生日,所以呢排飯局好多,我好開心自己有一班好好嘅朋友,佢哋會支持你,你辛苦做完嘢,佢哋會戥你開心,呢個係一種力量,令你再去迎接第二個工作,感覺真係好好。同埋因為遇到意外嘅關係,好多朋友見番我都話曾經...
  • 一拖二澳洲萬呎跳傘 張建聲同女伴摷嘢贏稱讚

    2017-04-05
    張建聲 (Justin) 之前去澳洲為travelwebsite.com旅遊網拍攝廣告特輯,廣告商安排了兩位素人包括任職OL的晴晴和做model的Mandy同行,一王兩后拍住上做真人騷。在最新推出的兩集,Justin帶住兩個女仔攬樹熊、抱袋鼠、食海鮮、遊黃金海岸 Movie World,仲有喪玩刺激遊戲包括跳樓機、戶外射擊、熱氣球,最緊張同玩命就係首嘗當地最出名的跳傘 (skydive)。 Justin藝高人膽大,簽下生死狀上直昇機,由萬呎高空跳傘飛落地面,事後還大讚跳傘「好正、形容唔到!」他說:「跳降傘係要簽生死狀,因為要保證雙方,但簽之前要上堂,跟教練學一啲動作同手勢,要學晒先至可以...
  • 踩單車吹波波食砵仔糕 欣宜BJ回到初戀時

    2017-04-03
    由彭秀慧自編自導、周秀娜 (Chrissie) 和鄭欣宜 (Joyce)主演之女性話題電影《29+1》,鐵定下月11日在港、澳兩地隆重上畫。雖然電影還未上映,但已榮獲多個國際電影頒獎禮獎項 ( 詳見備註 ),而由上周五(31/3) 起連續三日在香港放映的優先場更全部爆滿,成績令人鼓舞。 《29+1》中,除了Chrissie脫胎換骨的演出外,Joyce和蔡瀚億 (BabyJohn) 演繹一段超過二十年的青梅竹馬友誼亦非常搶鏡,為了反映這一段比知己情人更深入的關係及配合故事年代背景,出現了兩人吹波波、踩單車、逛公園、影寶麗萊、買黑膠,又有小販車賣豆腐花、砵仔糕,勾起不少集體回憶。 Jo...
  • 長洲上演男人的浪漫 何浩文開live引洋妞

    2017-04-03
    何浩文(Dominic)早前去長洲拍攝TVB特輯《玩轉香港日與夜》,昨晚他約同拍檔陳志健 (Otto)前往其開設於北角的日本飯糰店,一齊睇直播兼玩facebook live共度愚人節。其實前一晚Dominic已做功課,帶同手提電腦去舖頭開live做測試,豈料昨晚一玩live就斷線撻Q,好彩Otto開住微博直播,兩個男人共用一部手機玩live。 多才多藝的Dominic在直播時盡展所長,以廣東話、普通話、英語三語廣播回覆各地網民,期間亦徇眾要求講爛gag及唱歌;由於當時食肆仍於營業時間,一名外籍女顧客見兩位猛男開live玩到嘻嘻哈哈,仲主動要求合照。 在《玩》節目中,Dominic聯...
  • 天籟童音驚艷全國 9歲譚芷昀保靚聲抗零食

    2017-03-30
    「小巨肺」譚芷昀 (Celine) 在2014年以六歲之齡參加內地歌唱節目《中國新聲代》第二季時技驚全國,在互聯網獲得合共過二億的爆破點擊率;相隔三年,歌藝比前升呢的Celine日前亮相湖南衛視兒童節目《神奇的孩子》,其天籟童音再一次驚艷全國! 當日Celine先後獻唱英文歌《I Will Always Love You》及《Flashlight》,在場爹哋譚順生(Dr.Steve) 還開手機燈同囡囡打氣,之後兩父女又合唱了一段《明日話今天》,贏獲現場如雷掌聲。 Celine除了天賦好歌喉外,其實她早於3歲時已跟爹哋學唱歌,而身為專業歌唱導師的Steve亦將自己三十幾年的功力真傳俾女兒,所...
  • 濕身慈善跑 唐貝詩羅孝勇冒雨浪漫

    2017-03-28
    唐貝詩(Lydia) 每年都會參與 COOKIES RUN慈善活動,身為曲奇跑大使的她日前早上冒着氣溫急降雨濛濛,偕同好友羅孝勇在大埔海濱公園一齊跑。 當日天氣突然轉冷,Lydia未有穿禦寒裝就頂硬上,但跑步期間又落雨,幸好在跑步經驗豐富的羅孝勇帶領下跑畢全程,Lydia說:「我知道氣溫跌,但估唔到落雨,搞到成隻落湯雞咁,之後就好凍,就算點樣熱身個身都係濕,所以成個人係咁打冷震,好彩有羅孝勇鼓勵先跑到全程。」 雖然全身濕透頂冷跑,但Lydia認為值得,「今日係辛苦,但做到善事係開心嘅,可以磨練到鬥志,對我人生都好有幫助,其實落雨跑步都幾浪漫。」